Əraqçi: İran Avropa ölkələri, xüsusən də İtaliya ilə əlaqələri genişləndirməyə hazırdır

İtaliya Xarici İşlər Nazirliyinin müavini Rikardo Guarilia, İran və İtaliya arasında keçirilən beşinci siyasi məsləhətləşmələr turunda iştirak etmək məqsədilə Tehrana səfər edib və iyunun 8-də (18 Xordad 1404) İranın xarici işlər naziri ilə görüşüb.

Görüş zamanı Əraqçi İran və İtaliya arasında tarixi və yaxşı münasibətlərə toxunaraq, müxtəlif siyasi, iqtisadi və mədəni sahələrdə əməkdaşlığın genişləndirilməsinin vacibliyini vurğulayıb. O, bu əlaqələrin qarşılıqlı hörmət və ümumi mənafelərə əsaslandığını qeyd edib.

Əraqçi həmçinin İran və İtaliya arasında mütəmadi və davamlı siyasi məsləhətləşmələrin təşkil olunmasının iki ölkənin mövqelərini və baxışlarını daha yaxşı anlamağa, ikitərəfli əlaqələrin genişlənməsinə, eləcə də regionda və dünyada sabitlik və təhlükəsizliyə töhfə verəcəyini bildirib.

İtaliyanın xarici işlər nazirinin müavini də öz növbəsində İrana səfərindən və İranın xarici işlər naziri ilə görüşdən məmnun olduğunu bildirib və İtaliyanın xarici işlər naziri Antonio Tayaninin salamlarını iranlı həmkarına çatdırıb.